ಪೌರತ್ವ (5-11ನೇ ವಿಧಿ)

ಪೌರತ್ವ (5-11ನೇ ವಿಧಿ)  5 ರಿಂದ 10ನೇ ವಿಧಿಯವರೆಗೆ ಸಂವಿಧಾನ ಜಾರಿಗೊಂಡ ಸಂದರ್ಭದಲ್ಲಿ ಭಾರತದ ಪೌರತ್ವ ಹೊಂದಿದ ಜನರನ್ನು ಮಾತ್ರ ಗುರುತಿಸುತ್ತದೆ. • 11ನೇ ವಿಧಿ – ಪೌರತ್ವಕ್ಕೆ ಸಂಬಂಧಿಸಿದಂತೆ ಕಾನೂನುಗಳನ್ನು ಮಾಡುವ ಅಧಿಕಾರವನ್ನು ಸಂಸತ್ತಿಗೆ ನೀಡಿದೆ. • 11ನೇ ವಿಧಿ ವಿಧಿಯನ್ವಯ ಪೌರತ್ವ ಕಾಯ್ದೆ 1955ನ್ನು ಜಾರಿಗೆ ತರಲಾಯಿತು. ಪೌರತ್ವ ಕಾಯ್ದೆ 1955 ಪೌರತ್ವ ಪಡೆದುಕೊಳ್ಳುವ ವಿಧಾನಗಳು 1. ಜನನದಿಂದ • 26 ಜನವರಿ 1950ರಿಂದ 1ನೇ ಜುಲೈ 1987ರ ನಡುವೆ ಭಾರತದಲ್ಲಿ ಜನಿಸಿದ ಯಾವುದೇ ವ್ಯಕ್ತಿ ಭಾರತೀಯ ಪೌರತ್ವವನ್ನು ಪಡೆದುಕೊಳ್ಳಬಹುದು. • 1ನೇ ಜುಲೈ 1987ರಿಂದ 3ನೇ ಡಿಸೆಂಬರ 2004ರ ನಡುವೆ ಜನಿಸಿದ ಯಾವುದೇ ಮಗುವಿನ/ವ್ಯಕ್ತಿಯ ತಂದೆ-ತಾಯಿಯಲ್ಲಿ ಯಾರಾದರೊಬ್ಬರು ಭಾರತೀಯ ಪೌರತ್ವವನ್ನು ಹೊಂದಿದ್ದರೆ, ಆ ವ್ಯಕ್ತಿ ಭಾರತದ ಪೌರತ್ವವನ್ನು ಪಡೆದುಕೊಳ್ಳಬಹುದು. • 3ನೇ ಡಿಸೆಂಬರ 2004ರಿಂದೀಚೆಗೆ (3ನೇ ಡಿಸೆಂಬರನ್ನು ಒಳಗೊಂಡಂತೆ) ಜನಿಸಿದ ವ್ಯಕ್ತಿಯ ತಂದೆ – ತಾಯಿ ಇಬ್ಬರು ಭಾರತೀಯರಾಗಿದ್ದರೆ ಅಥವಾ ಒಬ್ಬರೇ ಭಾರತಿರಾಗಿದ್ದು ಇನ್ನೊಬ್ಬರು ಕಾನೂನುಬಾಹಿರ ವಲಸೆಗಾರರಾಗಿದ್ದರೆ ಅಂತಹ ವ್ಯಕ್ತಿ ಭಾರತದ ಪೌರತ್ವ ಪಡೆದುಕೊಳ್ಳಬಹುದು. 2. ವಂಶಾನುಪ್ರಾಪ್ರಿಯಿಂದ • ಜನವರಿ 26, 1950ರಂದು ಅಥವಾ ನಂತರ ಭಾರತದ ಹೊರಗೆ ಜನಿಸಿದ ವ್ಯಕ್ತಿಯ ತಂದೆ-ತಾಯಿಯರಲ್ಲಿ ಯಾರಾದರೊಬ್ಬರು ಭಾರತದ ಪೌರತ್ವವನ್ನು ಹೊಂದಿದ್ದರೆ ಈ ನಿಯಮದನ್ವಯ ಅಂತಹ ವ್ಯಕ್ತಿಯು ಭಾರತದ ಪೌರರಾಗುತ್ತಾರೆ. • 3ನೇ ಡಿಸೆಂಬರ 2004ರಂದು ಅಥವಾ ನಂತರ ಭಾರತದ ಹೊರಗೆ ಜನಿಸಿದ ವ್ಯಕ್ತಿಯ ತಂದೆ ತಾಯಿಯಂದಿರು ಆ ಮಗು ಮತ್ತೊಂದು ದೇಶದ ಪಾಸಪೋರ್ಟ್ ಹೊಂದಿಲ್ಲವೆಂದು ಘೋಷಣೆ ಮಾಡಬೇಕು ಮತ್ತು ಭಾರತೀಯ ರಾಯಭಾರಿ ಕಛೇರಿಯಲ್ಲಿ ಆ ಮಗುವಿನ ಜನನವನ್ನು ಒಂದು ವರ್ಷದೊಳಗಡೆ ನೋಂದಣಿ ಮಾಡಿಸಿದಾಗ ಮಾತ್ರ ಅಥವಾ ಒಂದು ವರ್ಷದ ನಂತರ ಕೇಂದ್ರ ಸರ್ಕಾರದ ಪರವಾನಗಿ ಪಡೆದು ಜನನವನ್ನು ನೊಂದಣಿ ಮಾಡಿಸಿದಾಗ ಮಾತ್ರ ಅಂತಹ ಮಗು ಭಾರತದ ಪೌರತ್ವ ಪಡೆದುಕೊಳ್ಳುತ್ತದೆ. 3. ನೊಂದಾಯಿಸುವುದರ ಮೂಲಕ  ಈ ಕೆಳಗಿನ ವ್ಯಕ್ತಿಗಳು ಸೂಕ್ತ ಪ್ರಾಧಿಕಾರದ ಮುಂದೆ ನೊಂದಾಯಿಸುವುದರ ಮೂಲಕ ಪೌರತ್ವ ಪಡೆಯಬಹುದು: • ನೋಂದಣಿಗಾಗಿ ಅರ್ಜಿ ಸಲ್ಲಿಸುವುದಕ್ಕಿಂತ ಮುಂಚಿತವಾಗಿ 7 ವರ್ಷಗಳ ಕಾಲ ಭಾರತದ ನಿವಾಸಿಗಳಾಗಿರುವ ಭಾರತೀಯ ಮೂಲದ ವ್ಯಕ್ತಿಗಳು. • ಭಾರತೀಯ ವ್ಯಕ್ತಿಯೊಂದಿಗೆ ಮದುವೆಯಾಗಿರುವ ವ್ಯಕ್ತಿ ನೋಂದಣಿಯ ಮೂಲಕ ಪೌರತ್ವ ಪಡೆಯಬೇಕಾದಲ್ಲಿ ಮದುವೆಯ ನಂತರ 7 ವರ್ಷಗಳ ಕಾಲ ಭಾರತದ ವಾಸಿಯಾಗಿರಬೇಕು. • ಭಾರತದ ಪೌರತ್ವ ಪಡೆದ ವ್ಯಕ್ತಿಯ ಮಕ್ಕಳು. • ಒಂದು ವರ್ಷ ಭಾರತದಲ್ಲಿ ವಾಸವಾಗಿರುವ 5 ವರ್ಷಗಳ ಕಾಲ ಸಾಗರೋತ್ತರ ಭಾರತೀಯ ನಾಗರಿಕರೆಂದು ನೊಂದಾಯಿಸಿಕೊಂಡಿರು